ହନୁମାନ ଜୟନ୍ତୀ ଅବସରରେ ଜଳାଧିବାସ ଓ ବିଶ୍ୱଶାନ୍ତି ଯଜ୍ଞର ଶୁଭାରମ୍ଭ

        ଦାମନଯୋଡି, (୧୨/୦୪) ସ୍ୱତନ୍ତ୍ରବାର୍ତ୍ତା ବ୍ୟୁରୋ : ନାଲକୋ ଟାଉନସିପରେ ଅବସ୍ଥିତ ଉତ୍କଳର ସର୍ବୋଚ୍ଚ ଶ୍ରୀ ଅଭୟ ଆଞ୍ଜେନେୟଙ୍କ ବିଗ୍ରହ ଓ ଅଷ୍ଟଧାତୁ ମୂର୍ତ୍ତୀଙ୍କ ୪ଦିନ ବ୍ୟାପି ହେଉଥିବା ଜୟନ୍ତୀ ଉତ୍ସବ ଉପଲକ୍ଷେ ଶୁକ୍ରବାର ଜଳାଧିବାସ, ମଣ୍ଡଳାଦି ପୂଜନ, ଅଗ୍ନି ସଂସ୍କାର ଓ ହବନ ଅନୁଷ୍ଠିତ ହୋଇଯାଇଛି । ପୂଜାର୍ଚ୍ଚନା ପରେ ହନୁମାନ ବାଟିକା ପରିସରରେ ଥିବା ସରଯୁ ପୁଷ୍କରିଣୀରୁ କର୍ତ୍ତାକର୍ତ୍ତ୍ରୀ ଓ ଶ୍ରଦ୍ଧାଳୁ ମହିଳା କଳସରେ ଜଳ ଆଣି ଯଜ୍ଞ ମଣ୍ଡପରେ ସ୍ଥାପନ କରିଥିଲେ । ହରିବୋଲ,ହୁଳହୁଳି, ପାରମ୍ପରିକ ବାଦ୍ୟ ଓ ସଙ୍କୀର୍ତ୍ତନ ସହିତ ଜୟ ଶ୍ରୀରାମ ଓ ଜୟ ବଜରଙ୍ଗବାଲି ନାରା ମଧ୍ୟରେ କାର୍ଯ୍ୟ ସମ୍ପନ୍ନ ହୋଇଥିଲା । ଖୋର୍ଦ୍ଧା ଓ ଗଞ୍ଜାମ ଜିଲ୍ଲାରୁ ଆସିଥିବା ପଣ୍ଡିତ ବିନୟ କୁମାର ମିଶ୍ର,ପଣ୍ଡିତ ଅଜୟ କୁମାର ଦାଶ, ପଣ୍ଡିତ ବିଜୟ କୁମାର ଦାଶ, ପଣ୍ଡିତ ସର୍ବେଶ୍ୱର ନନ୍ଦ, ପଣ୍ଡିତ ପ୍ରଶାନ୍ତ କୁମାର ବ୍ରହ୍ମା, ମହେଶ୍ୱର ପଣ୍ଡା, ପଣ୍ଡିତ ଜନାର୍ଦନ ମିଶ୍ର, ପଣ୍ଡିତ ଶ୍ରୀଧର କୁମାର ଦାଶ, ପଣ୍ଡିତ ଦୀନବନ୍ଧୁ ମହାପାତ୍ର ଓ ପଣ୍ଡିତ ପ୍ରତାପ କୁମାର ମିଶ୍ରଙ୍କ ସହିତ ଶ୍ରୀଅଭୟ ଆଞ୍ଜେନେୟଙ୍କ ମନ୍ଦିରର ନିୟମିତ ପୂଜକ ବଳରାମ ରଥ ଓ ପ୍ରଭାତ କୁମାର ପଣ୍ଡା ପୂଜାନୀତି ସମ୍ପନ୍ନ କରିଥିଲେ । ଯଜ୍ଞ ବରାହଙ୍କ କର୍ତ୍ତାକର୍ତ୍ତ୍ରୀ ଭାବେ ଅମର କୁମାର ନାୟକ ଓ ପତ୍ନୀ ବିମଳା ସାହୁ,ଆଲୋକ ଚୌଧୁରୀ ଓ ପତ୍ନୀ ପ୍ରୀତିପଦ୍ମା ଚୌଧୁରୀ, ଦ୍ୱୀତିକୃଷ୍ଣ ମହାପାତ୍ର ଓ ପତ୍ନୀ ଅନିତା ଆଚାର୍ଯ୍ୟ, ନୀଳକୃଷ୍ଣ ରଥ ଓ ପତ୍ନୀ ସୁମିତା ରଥ, ହରିବନ୍ଧୁ ବିଶ୍ୱାଳ ଓ ପତ୍ନୀ ଝୁନୁ ବିଶ୍ୱାଳ, ପ୍ରଫୁଲ୍ଲ କୁମାର ସାହୁ ଓ ପତ୍ନୀ ରାଜଲକ୍ଷ୍ମୀ ସାହୁ ଏବଂ ସୁନୀଲ କୁମାର ଚୌଧୁରୀ ଓ ପତ୍ନୀ ଗୀତାଞ୍ଜଳି ଚୌଧୁରୀ ଦାୟିତ୍ୱ ତୁଲାଇଥିଲେ ।