ଜଗତସିଂହପୁରରେ ଟ୍ରିପଲ୍ ମର୍ଡର  : ରାତିରେ ଶୋଇଥିବା ବେଳେ ବାପା ମା ଓ ଭଉଣୀକୁ ବିଭତ୍ସ ଭାବେ ହତ୍ୟାକଲା ପୁଅ 

ଘରଭିତରୁ ରକ୍ତ ଯୁଡୁବୁଡୁ ମୃତଦେହ ଉଦ୍ଧାର କଲା ପୋଲିସ୍ 

ଜଗତସିଂହପୁର : ଗତ ରାତିରେ ଜଗତସିଂହପୁର ରେ ଘଟିଛି ଏକ ଛାତିଥରା ବିଭତ୍ସ ହତ୍ୟାକାଣ୍ଡ , ନର ରାକ୍ଷସ ସାଜିଲା ନିଶାସକ୍ତ ପୁଅ , ରାତିରେ ଶୋଇଥିବା ବେଳେ ବାପା ମା ଓ ଭଉଣୀକୁ ବିଭତ୍ସ ଭାବେ ପଥରରେ ଛେଚି ହତ୍ୟାକଲା ନିଶାସକ୍ତ ପୁଅ। ଏଭଳି ଏକ ଛାତି ଥରାଇଦେଲା ଭଳି ବିଭତ୍ସ ହତ୍ୟାକାଣ୍ଡ ଘଟିଛି ଜଗତସିଂହପୁର ସ୍ଥିତ ଜୟବଡ ଗ୍ରାମରେ , ଅହରହ ନିଶାରେ ବୁଡ଼ି ରହୁଥିବା ନିଶାସକ୍ତ ପୁଅର ନିଶା ସେବନକୁ ପରିବାର ଲୋକେ ବିରୋଧ କରିବାରୁ ଏଭଳି ବିଭତ୍ସ ହତ୍ୟାକାଣ୍ଡ ଘଟିଛି ବୋଲି କୁହାଯାଉଛି। ମିଳିଥିବା ସୁଚନାନୂଯାୟୀ ଜଗତସିଂହପୁର ସ୍ଥିତ ଜୟବଡ ଗ୍ରାମର ପ୍ରସାନ୍ତ ସେଠିଙ୍କ ନିଶାସକ୍ତ ସାନପୁଅ ସୂର୍ଯ୍ୟକାନ୍ତ ସେଠି ନର ରାକ୍ଷସ ସାଜି ପରିବାରର ୩ଜଣଙ୍କୁ ବିଭତ୍ସ ଭାବେ ହତ୍ୟା କରିଛି। ପାଠଶାଠ ପଢି ମଧ୍ୟ ନିଶା କବଳରେ ଛନ୍ଦି ହୋଇଯିବା ସହ କିଛିଦିନ ହେବ ସୁର୍ଯ୍ୟକାନ୍ତକୁ ପଡ଼ି ଯାଇଥିଲା ନିଶାର ଆଦତ। ବଡ଼ପୁଅ ପୋଲିସ ବିଭାଗରେ କେନ୍ଦୁଝର ଜିଲ୍ଲାରେ କାର୍ଯ୍ୟରତ ଥିବା ବେଳେ ମଝିଆ ପୁଅ ମଧ୍ୟ ଚାକିରି କରିଥିବା ଜଣାପଡ଼ିଛି । ଏପରି ଏକ ଶିକ୍ଷିତ ପରିବାରରେ ନିଶାଡି ସାଜିଥିବା ସାନପୁଅର ଅହରହ ନିଶା ସେବନକୁ ନେଇ ପ୍ରାୟ ସବୁଦିନ ଘରେ ପାଟିତୁଣ୍ଡ ହେଉଥିଲା । ଅହରହ ନିଶାସକ୍ତ ରହୁଥିବା ଅଭିଯୁକ୍ତ ପୁଅ ସୁର୍ଯ୍ୟକାନ୍ତର କାର୍ଯ୍ୟକଳାପରେ ଅତିଷ୍ଠ ହୋଇପଡ଼ିଥିଲେ ଘରଲୋକେ , ଏନେଇ ଅହରହ ଘରେ ଲାଗି ରହିଥିଲା ପାଟିତୁଣ୍ଡ , ଏଥିରେ ଅତିଷ୍ଠ ହୋଇ ଦିର୍ଘ ୬ଦିନ ହେବ ଘରଲୋକେ ତାର ମୋବାଇଲକୁ ଛଡାଇ ରଖିବା ସହ ଘରୁ ବାହାରକୁ ଯିବାକୁ ମନା କରିବା ଯୋଗୁଁ ଏଥିରେ ଉତକ୍ଷିପ୍ତ ହୋଇ ଅଭିଯୁକ୍ତ ପୁଅ ସୂର୍ଯ୍ୟକାନ୍ତର ମସ୍ତିସ୍କ କାମ କରିନଥିଲା , ନିସା ପାଇଁ ପାଗଳ ପରି ହେବା ପରେ ଆରମ୍ଭ କରିଥିଲା ଏଭଳି ନରସଂହାର ।

 ନିଜ ବାପା ପ୍ରସାନ୍ତ ସେଠି ଓ ମା କନକଲତା ସେଠି ଓ ଭଉଣୀ ରୋଜାଲିନ ସେଠିକୁ ଅତି ନିର୍ମମ ଭାବେ ମୁଣ୍ଡକୁ ଛେଚି ଛେଚିକି ହତ୍ୟାକଲା ପରେ ମୃତ ଶବକୁ ମଧ୍ୟ ଘୋଷାରି ଘୋଷାରି ଗୋଟିଏ ସ୍ଥାନରେ ରଖି ପଡୋଶୀ ଘର ଆଗରେ ସବୁକଥା କହି ଫେରାର ହୋଇଯିବା ଭଳି ବହୁଚର୍ଚ୍ଚିତ ଘଟଣା ଏବେ ସମସ୍ତଙ୍କୁ ସ୍ତବ୍ଧ କରିଦେଇଛି। ଅନ୍ୟପଟେ ଜଗତସିଂହପୁର ଥାନା ଅଧକାରୀଙ୍କ ସହିତ ପୋଲିସର ଏକ ସ୍ୱତନ୍ତ୍ର ଟିମ ଘଟଣାସ୍ଥଳରେ ପହଞ୍ଚି ତଦନ୍ତ କରୁଥିବା ବେଳେ ଅନ୍ୟପଟେ ସ୍ଥାନୀୟ ସରକାରୀ ମହିଳା ବିଦ୍ୟାଳୟ ନିକଟରୁ ହତ୍ୟାକାରୀ ସୁର୍ଯ୍ୟକାନ୍ତ ସେଠିକୁ ପୋଲିସ ଗିରଫକରି ଥାନାରେ ଅଟକ ରଖି ପଚରା ଉଚରା ଜାରି ରହିଥିବା ବେଳେ ହତ୍ୟାକାରି ପୁଅର ଏଭଳି ବିଭତ୍ସ ହତ୍ୟାକାଣ୍ଡ ନେଇ ଘଟଣା ସ୍ଥଳକୁ ଯାଇ ଅଧିକ ତଦନ୍ତ ଜାରି ରଖିଛି ପୋଲିସ୍ , ହତ୍ୟାକାରୀ ସୂର୍ଯ୍ୟକାନ୍ତର ବଡ଼ଭାଇ ଗାଁରେ ପହଞ୍ଚିବା ପରେ ଏନେଇ ଜଗତସିଂହପୁର ଥାନାରେ ଏକ ଲିଖିତ ଅଭିଯୋଗ କରିଛନ୍ତି। ବଡଭାଇର ଅଭିଯୋଗ ଅନୁଯାୟୀ ହତ୍ୟାକାରୀ ସାନଭାଇ ସୁର୍ଯ୍ୟକାନ୍ତର ମାନସିକ ବିକୃତି ଘଟିଥିବାରୁ ସିଏ ବାପା ମା ଓ ଭଉଣୀକୁ ଏଭଳି ନିର୍ମମ ହତ୍ୟା କରିଛି ବୋଲି ଥାନାରେ ଦିଆଯାଇଥିବା ଅଭିଯୋଗରେ ଦର୍ଶାଇଛନ୍ତି ବଡ଼ଭାଇ ରମାକାନ୍ତ । ସାଇଣ୍ଟଫିକ ଟିମ ଦ୍ୱାରା ଘଟଣାର ତଦନ୍ତ କରାଯିବ ବୋଲି ଜଗତସିଂହପୁର ଥାନା ଅଧିକାରୀ ଓ ଜିଲ୍ଲା ଏସ.ପି ଗଣମାଧ୍ୟମ ଆଗରେ ପ୍ରକାଶ କରିଛନ୍ତି । ଅନ୍ୟପକ୍ଷରେ ଜଗତସିଂହପୁର ଅଞ୍ଚଳରେ ଦିନକୁ ଦିନ ଧଳା ଜହର ଓ ଚୋରା ମଦ ବ୍ୟବସାୟ ବୃଦ୍ଧି ପାଉଥିବାରୁ ଦିନକୁ ଦିନ ଯୁବପିଢି ମାନେ ପଥଭ୍ରଷ୍ଟ ଆଡକୁ ଅଗ୍ରସର ହେବା ସହ ଅସାମାଜିକ କାର୍ଯ୍ୟକଳାପ ବୃଦ୍ଧି ପାଉଥିବାର ଏହି ଘଟଣା ଏକ ଜ୍ୱଳନ୍ତ ଉଦାହରଣ ବୋଲି ବୁଦ୍ଧିଜୀବୀ ମହଲରେ ଚର୍ଚ୍ଚାର ବିଷୟ ପାଲଟିଥିବା ବେଳେ ଏକରକମ ସ୍ଥାଣୁ ପାଲଟି ଯାଇଥିବା ଜିଲ୍ଲା ଅବକାରୀ ବିଭାଗର କାର୍ଯ୍ୟଦକ୍ଷତାକୁ ନେଇ ଏବେ ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି।